|
 Şağan
Olimpiya İdman Kompleksində keçirilən kişilər arasında
sambo üzrə Azərbaycan çempionatında Sumqayıt
idmançıları 8 medal qazanıblar. Şəhər gənclər və idman
baş idarəsindən aldığımız məlumata görə, ölkənin
müxtəlif regionlarını təmsil edən 200-ə yaxın idmançının
qatıldığı çempionatda Sumqayıt samboçuları Röyal
Dünyamalıyev (57 kq), Emin Qulamov (68 kq) və Azad
Zahidov (100 kq) bütün rəqiblərinə qalib gələrək fəxri
kürsünün ən yüksək pilləsinə qalxıblar. Sumqayıtın digər
təmsilçiləri - Pərviz Şükürov (68 kq) gümüş, Ramil
Ramazanov (52 kq), Mehman Xəlilov (57 kq), Murad Rəcəbli
(90 kq) və Mətləb Məmmədov (100 kq) isə bürünc medal
əldə ediblər.
Qeyd edək ki, Röyal Dünyamalıyevin qalib olduğu 57 kq
çəki dərəcəsi Avropa Oyunlarının proqramına daxil
edilmiş çəki dərəcəsidir. |
