|
Dağıstanın Kaspiysk şəhərində Kuramaqomed
Kuramaqomedovun mükafatı uğrunda sərbəst güləş üzrə
yeniyetmələr arasında V beynəlxalq turnir keçirilib.
AzərTAc xəbər verir ki, sərbəst güləş üzrə
yeniyetmələrdən ibarət yığmamızın üzvləri turniri 1
gümüş və 1 bürünc medalla başa vurublar. Yığma
komandanın böyük məşqçisi Nazim Əlicanov və məşqçi
Rövşən Umudovun rəhbərliyi altında qonşu respublikaya 8
güləşçimiz yollanıb. Turnirdə 85 kiloqram çəki
dərəcəsində təmsilçimiz Hacımurad Məhəmmədsəidov yalnız
finalda uduzaraq gümüş medala yiyələnib. Əhliman Quliyev
(76 kq) isə bürünc medal qazanıb.
Görüşlərin idarə olunmasında ölkəmizi beynəlxalq
dərəcəli hakim Murad Əliyev təmsil edib. |
