|
 Mərziyyə
Hüseynova 1998-ci ildə Bakı şəhərində anadan olub.
2012-ci ildə Bülbül adına Orta İxtisas Musiqi
Məktəbinin vokal ixtisası üzrə dosent İradə Xəlilovanın
sinfinə daxil olub. Həmçinin saksofon sinfi üzrə
fakültativ məşğul olub. 2012-ci ildə Estoniyanın
Koxtla-Yarve şəhərində keçirilən gənc vokalçıların VII
akademik vokal Beynəlxalq müsabiqəsində II dərəcəli
mükafata layiq görülərək laureat adını alıb. Rusiyanın
Sıktıvkar şəhərində keçirilən XI Beynəlxalq vokal
müsabiqəsinin I mükafatını qazanıb. Bülbül adına Orta
İxtisas Musiqi Məktəbinin keçirdiyi tədbirlərdə
dəfələrlə uğurlu çıxışlar edib.
2012-ci il oktyabrın 10-da "ÜNS" yaradıcılıq səhnəsinin
mövsüm açılış konsertində, M.Rostropoviç festivalı
çərçivəsində L.və M.Rostropoviçlər ev-muzeyində çıxış
edib. 2013-cü ildə ümummilli lider Heydər Əliyevin
anadan olmasının 90 illiyinə həsr olunmuş gənc
ifaçıların II Respublika müsabiqəsində vokal ixtisası
üzrə, 2014-cü ildə isə Latviya
"Riqa-Simfony"müsabiqəsində I yerlərə layiq görülüb.
Hazırda Mərziyyə Bülbül adına Orta İxtisas Musiqi
Məktəbinin X sinfində təhsil alır. Mərziyyə gələcəkdə
vokal musiqimizi dünya arenasında şərəflə təqdim etməyə
qadir olacaq bir sənətkar kimi yetişir.
Sifai SƏFƏROVA,
"Azərbaycan müəllimi" |
