|
İkram Qabiyev 2001-ci ildə Bakıda anadan olub. "Ankara
məktəbi" məktəb-lisey"in VII sinif şagirdidir. 2014-cü
ilin aprelində Azərbaycan Respublikası Dövlət Neft
Şirkəti, Təhsil Nazirliyi, Ekologiya və Təbii Sərvətlər
Nazirliyi, İDEA təbiəti mühafizə üzrə ictimai təşkilatı
və İctimai Televiziyanın təşkilatçılığı ilə Bakıda
keçirilən "İNEPO-2014" Beynəlxalq olimpiadasında iştirak
edib. Olimpiadada dünyanın 51 ölkəsindən 180 komanda
təmsil olunub. İkram bu bilik yarışmasında "Günəş
radiasiyasından elektrik enerjisi alınmasının yeni
metodikası" adlı layihəsi ilə çıxış edib. Sevindirici
haldır ki, onun hazırladığı qurğu təşkilatçılar və
münsiflər heyəti tərəfindən yüksək qiymətləndirilib və
olimpiadanın qızıl medalına layiq görülüb.
İkram həmin layihə ilə iyun ayında ABŞ-ın Osveqo
şəhərində təşkil olunmuş ümumdünya olimpiadasında
(GENİUS Olimpiada) iştirak edərək "HONOR" sertifikatına
layiq gorulüb. Beləliklə, 12 yaşlı azərbaycanlının
şərəfinə Amerikada Azərbaycan bayrağı qaldırılıb.
2014-cü ilin noyabrında Azərbaycan Milli Elmlər
Akademiyasının təşkilatçılığı ilə keçirilən Bakı Elm
Festivalında İkram Qabiyev eyni adlı layihə ilə balaca
ixtiraçı kimi hamını təəccübləndirib. |
