|
 Orxan
Hüseynli 1993-cü ildə Fizuli şəhərində anadan olub.
1999-cu ildə tam orta məktəbin I sinfinə daxil olub.
Uşaqlıqdan musiqiyə böyük həvəsi olduğunu görən
valideynləri ona dəstək olublar. 2010-cu ildə Bülbül
adına Orta İxtisas Musiqi Məktəbini bitirib. 2011-ci
ildə Azərbaycan Milli Konservatoriyası tərkibində
Musiqi Kollecinin xanəndəlik ixtisası fakültəsinə qəbul
olunub. Musiqi Kollecində oxuduğu müddətdə xalq
artisti, professor Mənsum İbrahimovdan muğam dərsi
alıb. Müəlliminin və kollecin rəhbərliyinin dəstəyi ilə
dəfələrlə bir çox tədbir və konsertlərdə iştirak edib.
2013-cü ildə Heydər Əliyev Fondunun dəstəyi ilə
keçirilən Muğam-2013 müsabiqəsinin laureatı olub.
2014-cü ildə Musiqi Kollecini bitirən gənc istedad
hazırda Azərbaycan televiziyasının "Xatirə" ansamblında
solist kimi fəaliyyət göstərir.
Orxanın milli muğam sənətində ən böyük uğurları
qabaqdadır. Hələ çox mötəbər səhnələrdən onun şirin,
məlahətli səsi eşidiləcək, zəngulələri tamaşaçıları
heyran edəcək. |
