|
 Dekabrın
17-də Bakı Şəhəri üzrə Təhsil İdarəsi (BŞTİ) və Paris
Sorbonna Abu - Dabi Universiteti arasında baş tutan
əməkdaşlıq nəticəsində fəaliyyətə başlayan intensiv
təlim - seminar proqramının açılış mərasimi keçirildi.
Tədbirdə Fransanın Azərbaycandakı fövqəladə və
səlahiyyətli səfiri Packal Mönye, Bakı Şəhəri üzrə
Təhsil İdarəsinin müdir müavini Məhəbbət Vəliyeva, təlim
iştirakçıları və o cümlədən, KİV nümayəndələri iştirak
edirdi.
Qeyd edək ki, 17-21 dekabr tarixlərində keçiriləcək
intensiv təlim proqramında direktor, direktor müavinləri
və digər təhsil işçiləri iştirak edəcək. Seminarın
məqsədi təhsil işçilərinə qabaqcıl təlim sistemini
tanıtmaq, məktəb rəhbərlərinin liderlik potensialını
inkişaf etdirməkdir.
Tədbiri Paris Sorbonna Universitetinin postsovet
ölkələri üzrə müşaviri İmran Muxtarov giriş sözü ilə
açaraq qonaqları, təlim iştirakçılarını salamlamış və
təlimin mahiyyəti barədə qısa məlumat verdi.
Mərasimdə Fransanın Azərbaycandakı fövqəladə və
səlahiyyətli səfiri Packal Mönye, BŞTİ-nin müdir müavini
Məhəbbət Vəliyeva da çıxış edərək təcrübə mübadiləsi
baxımından təhsildə bu kimi təlimlərin önəmli yer
tutduğunu xüsusilə vurğuladı.
Sonda Paris Sorbonna Abu - Dabi Universitetinin
vitse-kansleri Eric Fouachenin təlim iştirakçılarına
ünvanladığı məktub oxundu.
Niyazi RƏHİMOV,
"Azərbaycan müəllimi" |
