|
Azərbaycan tarixinin ümumtəhsil məktəblərində daha
dərindən öyrənilməsi məqsədilə "Ulu öndər Heydər Əliyev
müstəqil Azərbaycanın qurucusu və memarıdır" və
"Ümummilli lider Heydər Əliyevin ideyaları müasir
Azərbaycanın sosial-iqtisadi inkişafının
təminatçısıdır" mövzuları üzrə dərslərin Heydər Əliyev
Mərkəzində ümumtəhsil məktəblərinin XI sinif
şagirdlərinə tədris olunması ilə bağlı Təhsil
Nazirliyinin tövsiyələri Sumqayıt şəhər təhsil işçiləri
tərəfindən böyük razılıqla qarşılanmışdır. Sumqayıt
Şəhər Təhsil Şöbəsində tövsiyələrə uyğun olaraq
dərslərin cari ilin noyabr - may aylarında keçirilməsi
qrafiki hazırlanaraq təsdiq edilmiş, növbətçilik
qrafiki tərtib edilmişdir. Şəhərin nüfuzlu və
hazırlıqlı tarix müəllimləri müəyyən edilmiş, onlarla
seminar - müşavirə keçirilmişdir. 2014-2015-ci tədris
ilinin noyabr-may aylarında keçiriləcək bu dərslərdə
şəhərin bütün tam orta məktəbləri ilə yanaşı Sumqayıtda
məskunlaşmış məcburi köçkün məktəblərinin də XI sinif
şagirdləri iştirak edir.
İl ərzində (noyabr-may ayları) şəhərin 48 və şəhərdə
məskunlaşmış 48 məcburi köçkün məktəblərinin (bütövlükdə
3454 şagird) 11-ci sinif şagirdləri bu dərslərdə iştirak
edəcəklər.
Noyabr ayı ərzində Heydər Əliyev Mərkəzində şəhər
məktəblərinin 1000 nəfərdən çox XI sinif şagirdi "Ulu
öndər Heydər Əliyev müstəqil Azərbaycanın qurucusu və
memarıdır" mövzusunda dərslərdə iştirak etmişdir.
Dərslər şəhərin qabaqcıl tarix müəllimləri tərəfindən
həftədə 5 gün iki akademik saat ərzində tədris edilir.
Dərslərdə Azərbaycanın dövlət müstəqilliyinin bərpa
edilməsinin XX əsrdə xalqımızın ən böyük nailiyyəti
olması, ulu öndər Heydər Əliyevin Azərbaycanda ikinci
dəfə hakimiyyətə gəlməsi, bunun Milli Qurtuluş Günü
kimi bayram edilməsi, "Əsrin müqaviləsi"nin
imzalanmasının ölkədə iqtisadi dirçəlişin əsası olması,
ulu öndərin hüquqi və demokratik dövlət quruculuğunu
həyata keçirməsi, ordu quruculuğu, xarici siyasətdə
uğurlar, müxtəlif sahələrdə islahatlar, Azərbaycan
Respublikasının Prezidenti cənab İlham Əliyevin ulu
öndər Heydər Əliyevin müəyyənləşdirdiyi daxili və xarici
siyasət kursunun layiqli davamçısı olması və başqa
məsələlər konkret faktlar əsasında şagirdlərə
çatdırılır.
Kəmayıl NAMAZOV,
Sumqayıt Şəhər Təhsil Şöbəsinin Mətbuat xidmətinin
rəhbəri |
