|
...Müəllimlər ilk növbədə təcrübələrini
zənginləşdirməli, inkişaf etmiş ölkələrin təhsil
proqramlarına inteqrasiya edərək aparılan
islahat işlərində tələskənliyə yol verməyib
təkamül yolunu seçməlidirlər.
Heydər ƏLİYEV
 Çağdaş
dövrdə informasiya-kommunikasiya texnologiyaları
cəmiyyətin inkişafında əsas amillərdən birinə çevrilib.
Bu texnologiyaların bütün fəaliyyət sahələrinə nüfuz
etməsi, yaşından asılı olmayaraq, hər kəsin İKT
biliklərinə yiyələnməsini zəruriləşdirir.
Yaşlı, orta, gənc nəslin nümayəndələri ilə yanaşı hər
bir dövlətin gələcəyi olan uşaqların da İKT sahəsində
savadlı kadr kimi yetişdirilməsi, bu sahədə onlara
lazımi bilik və bacarıqların aşılanması üçün İKT
biliklərinin tədrisi, bu istiqamətdə müxtəlif nəşrlərin
çap edilməsi və s. informasiya cəmiyyəti quruculuğu
proseslərinin dinamik inkişafına etibarlı zəmin yaradır.
Bu gün dünyanın müxtəlif ölkələrində uşaqların İKT
biliklərinə yiyələnməsi, informatika fənnini dərindən
mənimsəməsi üçün bu sahə ilə bağlı dəyərli məlumatların
əldə edilməsi məqsədinə xidmət edən müxtəlif dərs
vəsaitləri, kitablar, ensiklopediyalar və s. hazırlanır.
Artıq Azərbaycanın bir çox məktəblərində elektron
avadanlıqlardan istifadə olunur. Əhalinin maariflənməsi,
elektron resursların bolluğu yaradılması üzərində iş
aparılır. Xarici təcrübələrə istinad edilərək tədris
prosesinin məqsədləri üçün xüsusi resurslar hazırlanır
və istifadəyə verilir. Dərsdənkənar və dərs
məşğələləri üçün oyun tipli, inkişafetdirici,
tərbiyəedici və öyrədici xarakterli resurslar,
mətndaxili hiperkeçidlər, təsviri resurslar, səs
resursları (səsli nağıllar, səsli öyrədici, tədqiqata
sövqedici resurslar) videoroliklər, multimedialar artıq
çoxluq təşkil edir. Dərslərdə skype və sosial
şəbəkələrdən istifadə edilməsi, xüsusilə tele-körpülər
ölkədaxili və ölkəxarici çox mühüm informasiya və fikir
mübadiləsi rolunu oynayır. Bu zaman inteqrativlik
üstünlük təşkil edir. Bu işdə biz müəllimlərə ən çox
kömək olan İnnovativ Tədris Mənbələri şirkətinin
hazırladığı multimedia tədris resurslarıdır.
Multimedia tədris resurslarının fləş kartlarda
internetsiz istifadəsi biz müəllimlərin rayonlarda
təlimlər zamanı dərsləri maraqlı quraraq istənilən
məqsədə çatmağımız üçün çox əhəmiyyətlidir. Modern
Məktəbində biz Smart, mimio löhvələri ilə yanaşı,
multimedialardan da çox istifadə edirik. Fləş dərslərdən
olduğu kimi ardıcıl deyil, məqsədimizə uyğun müəyyən
hissəsini motivasiya mərhələsində,
müəyyən hissəsindən yönəldici suallar kimi, bəzi
hissələrindən tədqiqatın aparılması zamanı istifadə
edirik. Şagirdlərin ən çox sevdiyi hissə sayı çox olan
maraqlı tapşırıqlar olan hissəsidir. Biz bu
tapşırıqlardan fərdi və yaradıcı tətbiqetmə zamanı lazer
mauslardan istifadə edərək keyfiyyətli dərs qura
bilirik. Yaradıcı tətbiqetmə tapşırıqları tekstoqrafik,
multimedia xarakterli tapşırıqlar olduğundan çox
bəyənilir. Tekstoqrafik xarakterli elektron tədris
resursları mövzunu açıqlayan mətn və illüstrasiyalardan
ibarət resurslardur. Bu tip resurslara həmçinin
cədvəllər, diaqramlar və s. aiddir. Fləşlərdə bunlar
xüsusi yer tutur. Əvvəl hissəsində, yəni girişdə mətn
xarakterli multimedialar əsas yer tutur. Multimedia
xarakterli elektron tədris resurslarında video,
animasiyalar, audio məzmun, interaktiv üsulların
düzgünlüyünə xüsusi diqqət yetirilmişdir.
Online dərslərdə, layihələr, şagird resurs bazasını
yaradarkən fləş multimedialar çox köməyimizə gəlir.
Hətta bəzi müəllimlərin ev tapşırığı problemini həll
etmələri üçün bu fləşləri məsləhət görərdim. Şagird
həm sərbəst öyrənə, həm də bezmədən, sıxılmadan evdə bu
tapşırıqları həll edə bilər.
Sevinc ƏLİYEVA,
Bakı Modern Məktəbinin müəllimi, "Ən yaxşı müəllim"
müsabiqəsinin qalibi |
