|
 Noyabrın
25-də Səbail rayon Mərkəzləşdirilmiş Kitabxana
Sisteminin Mərkəzi Kitabxanasında "açıq dərs" keçirildi.
Dərs Bakıdakı 189-190 nömrəli tam orta məktəbin
Azərbaycan dili və ədəbiyyat müəllimi Təranə Rzayeva
tərəfindən həmin məktəbin rus bölməsinin 7 "f" sinfilə
birlikdə aparıldı. Azərbaycan dili fənni üzrə qoyulan
mövzu "Kitabi-Dədə Qorqud dastanı"ndan "Qazılıq qoca
oğlu Yeynək boyu"na həsr olunmuşdu. Burada əsas məqsəd
tarixi keçmişimiz, adət-ənənələrimiz haqqında məlumat
verən, böyüyə, ata-anaya hörmət hissi aşılayan boyla
şagirdləri yaxından tanış etmək idi.
Dərs zamanı interaktiv fənn materiallarından, İKT-dən
istifadə olundu, slaydlar və "Dədə Qorqud" filmindən
kadrlar göstərildi.
Mərkəzi Kitabxananın sistem inzibatçısı Sevda Məmmədova
kitabxananın fondunda mövzu ilə bağlı ədəbiyyatın
biblioqrafik icmalını keçirdi və "Qədim Türk eposu;
"Dədə Qorqud" adlı kitab sərgisini nümayiş etdirdi.
Cəmilə SƏMƏDOVA |
