|
Azərbaycan Milli Elmlər Akademiyasının (AMEA) Botanika
İnstitutunun Botanika Muzeyi artıq ziyarətçilərin
ixtiyarına verilib.
Botanika İnstitutundan AzərTAc-a bildiriblər ki, Avropa
liseyinin VII-IX sinif şagirdləri Botanika Muzeyini
ziyarət ediblər. Şagirdlər muzeydə nümayiş olunan
"Azərbaycanın yaşıl xəzinəsi" mövzusunda sərgi,
Azərbaycanın florası, biocoğrafiyası və ekologiyasını
əks etdirən xüsusi nümunələr silsiləsi və interaktiv
xəritə ilə tanış olublar. İnstitutun mütəxəssisləri
məktəblilərə Hirkan meşələrinin əsas on klassik relikt
ağac növünün yayılma əraziləri haqqında ətraflı məlumat
veriblər.
Sonra şagirdlər Mərkəzi Nəbatat Bağında saxlanılan
relikt bitkilərin canlı kolleksiyası ilə tanış olublar. |
