|
Azərbaycanın elmi jurnalı Şərqi Avropa nəşrlərini
üstələyib
Mərkəzi ofisi ABŞ-ın Filadelfiya şəhərində yerləşən
"Thomson Reuter" təşkilatı Elmi İnformasiya İnstitutunun
2013-cü il üçün hesabatı açıqlanıb.
2008-ci ildən bu təşkilatın siyahısında yer alan yeganə
Azərbaycan elmi jurnalı olan "Applied and Computational
Mathematics" ("Tətbiq və hesablama riyaziyyatı") yenidən
0.697 impakt-faktorla ölkəmizin elmini uğurla təmsil
edir. Bu göstərici ilə jurnal nəinki postsovet
məkanında, hətta Şərqi Avropada nəşr edilən uyğun
profilli jurnalları üstələyir.
Bütün dünya üzrə elmi jurnalların, alimlərin,
universitetlərin, elmi müəssisələrin və s.
qiymətləndirmə sistemini həyata keçirən "Thomson Reuter"
təşkilatı Elmi İnformasiya İnstitutunun budəfəki
hesabatında bir çox tanınmış jurnalların
impakt-faktorları ciddi şəkildə azalıb, bəziləri isə,
ümumiyyətlə, təşkilatın siyahısından çıxarılıb.
Xatırladaq ki, Rabitə və Yüksək Texnologiyalar
Nazirliyi, AMEA və BDU-nun Tətbiqi Riyaziyyat
Elmi-Tədqiqat İnstitutu tərəfindən təsis olunan "Applied
and Computational Mathematics" jurnalı 2002-ci ildən
nəşr edilir.
Qeyd edək ki, jurnalın baş redaktorları akademiklər Əli
Abbasov və Fikrət Əliyev (Azərbaycan), professor
Vladimir Loren (Ukrayna), fəxri redaktoru isə professor
Tamer Başardır (ABŞ).
Bu il "Gənclər üçün Prezident Mükafatı"na 4 gənc alimin
namizədliyi irəli sürüləcək
Azərbaycan Milli Elmlər Akademiyası "Gənclər üçün
Prezident Mükafatı"na 4 gənc alimin namizədliyini irəli
sürəcək. Prezident mükafatına namizədlər AMEA İdarəetmə
Sistemləri İnformasiya Texnologiyaları institutlarının,
Nizami Gəncəvi adına Milli Azərbaycan Ədəbiyyatı
Muzeyinin, həmçinin Gəncə Bölməsinin elmi nəticələri ilə
fərqlənən gəncləridir. Bunlar texnika üzrə fəlsəfə
doktoru Nigar İsmayılova, İdarəetmə Sistemləri
İnstitutunun elmi işçisi Nərmin Rzayeva, Ədəbiyyat
Muzeyinin elmi işçisi Kəmalə Nuriyeva və Gəncə
Bölməsinin elmi işçisi Elnur Həsənovdur.
İki alimimiz nüfuzlu beynəlxalq jurnalların redaksiya
heyətinin üzvü seçilib
AMEA Fəlsəfə və Hüquq İnstitutunun elmi işlər üzrə
direktor müavini, fəlsəfə üzrə fəlsəfə doktoru, dosent
Roida Rzayeva impakt-faktorlu "American Journal of
Educational Research" beynəlxalq jurnalının redaksiya
heyətinə üzv seçilib.
Qeyd edək ki, jurnalın əsasən Amerika və Avropa
ölkələrinin nümayəndələrindən ibarət redaksiya heyətində
R.Rzayeva Azərbaycandan olan yeganə təmsilçidir.
AMEA Gənc alim və mütəxəssislər şurasının üzvü, Gəncə
Bölməsinin doktorantı Elnur Həsənov İtaliyanın nüfuzlu
beynəlxalq elmi nəşri olan "Italiano revisione
scientifica" jurnalının redaksiya heyətinin üzvü
seçilib.
Bu, Azərbaycanın gənc alimlərinin öz əsərlərini nüfuzlu
impakt-faktorlu beynəlxalq nəşrlərdə çap etdirmələri
üçün daha geniş imkanlar yaradacaq. Eyni zamanda,
Avropanın görkəmli elm xadimləri ilə gənc
tədqiqatçıların birgə elmi işlərinin mühüm nəticələrinin
tanınmış jurnal və məcmuələrdə nəşri sürətlənəcək.
www.science.gov.az |
