|
Bərdə Rayon Gənclər və İdman İdarəsinin və YAP Bərdə
rayon təşkilatının birgə təşkilatçılığı ilə Yeni
Azərbaycan Partiyasının yaradılmasının 22-ci ildönümünə
həsr olunmuş taekvondo üzrə açıq birincilik keçirilib.
Açılış mərasimində Bərdə Rayon Gənclər və İdman
İdarəsinin rəisi, YAP Bərdə rayon təşkilatının şura üzvü
Anar Şahbazov çıxış edərək Yeni Azərbaycan Partiyasının
yaranma tarixindən, partiyanın yaradıcısı ulu öndər
Heydər Əliyevin ideyalarının həyata keçirilməsindən,
ölkə Prezidenti cənab İlham Əliyevin idmana göstərdiyi
diqqət və qayğıdan, Azərbaycan idmançılarının beynəlxalq
arenalarda əldə etdiyi uğurlardan danışıb.
Uşaq, yeniyetmə və gənclər arasında müxtəlif çəki
dərəcələrində keçirilən bu yarışda 100-ə yaxın idmançı
öz güclərini sınayıb. Birinciliyin qalibləri diplom və
medallarla təltif olunub.
Rəşad RAMAZANOĞLU,
"Azərbaycan müəllimi" |
