|
Ümummilli lider Heydər Əliyevin həyatının, çoxşaxəli
fəaliyyətinin və irsinin dərindən öyrənilməsi və təbliği
məqsədi ilə ali təhsil müəssisələrinin tələbələri
arasında "Heydər Əliyev və Azərbaycan tarixi"
mövzusunda ümumrespublika bilik yarışı keçirilib.
Heydər Əliyev Mərkəzində keçirilmiş "Nə? Harada? Nə
zaman?" intellektual oyunlarında Lənkəran Dövlət
Universitetinin (LDU) komandası 6 nəfərlə təmsil olunub.
İştirakçılar yarışdan əvvəl Heydər Əliyev Muzeyi ilə də
tanış olublar.
Üç turda aparılan bilik yarışında LDU-nun komandası
üçüncü yeri tutub. Ümumrespublika yarışında bilik və
istedadlarını nümayiş etdirən LDU-nun tələbələri
təşkilat komitəsi və rektorluq tərəfindən
mükafatlandırılıblar. Rektor, professor Asəf İsgəndərov
qalibləri təbrik edib, onlara elm və təhsil yollarında
daha böyük nailiyyətlər arzulayıb.
Hacı Etibar ƏHƏDOV,
LDU-nun Mətbuat və informasiya mərkəzinin rəhbəri |
