|
Google şirkəti müəllimlər üçün informasiya
texnologiyalarından istifadə etmək məqsədilə yeni
onlayn-kursun tətbiqinə başlayıb. "Uçitelskaya
qazeta"nın məlumatına əsasən layihə müəllimlərə
dərslərdə İKT-dən istifadə etməkdə kömək edəcək. Yeni
informasiya texnologiyaları məktəb həyatının ayrılmaz
hissəsi olacaq. Bundan əlavə, layihə dərs prosesinin
daha məzmunlu və maraqlı olmasına nail olmaq üsullarını
tapmağa imkan verəcək.
Kursun materiallarından maksimum yararlanmaq üçün
istifadəçilərə stolüstü kompüter, noutbuk və ya
internetə çıxışı olan planşet və digər mobil
qurğulardan istifadə tövsiyə olunur. İstifadəçinin
veb-brauzerdən istifadə üzrə ilkin təcrübənin və Google
akkauntunun olması arzuolunandır. Onlardan Google
servislərində istifadə etmək bacarığı tələb olunmur.
Pulsuz onlayn-kurs 2014-cü il noyabrın 18-dən dekabrın
19-dək mümkün olacaq. |
