|
Sumqayıt Dövlət Universitetində ilk tələbələrarası
debat layihəsinə start verilib. "Qladiator debatları"
üzrə təlimlərə 60-a yaxın tələbə cəlb edilib.
SDU-da Ritorika Universal Klubu fəaliyyətə başlayıb.
Klub hər həftə tələbələri maraqlandıran yeni mövzularla
bağlı tədbir və seminarlar təşkil edir. Klubun növbəti
yeni layihəsi "SDU I Qladiator Debatları Kolizeyi"
layihəsinin tanıtım və ilk təlimləri olub.
Layihənin təlimçisi Həbib Heydərli tələbələrə debat
nəzəriyyəsi, onun tətbiq sahələri, gənclərin debatda
qazandıqları bacarıqların artırılmasındakı rolu və
əhəmiyyəti, eləcə də debat mədəniyyətinin qayda və
prinsipləri barədə məlumat verib.
Təlimlər bitdikdən sonra dekabr ayında tələbələrarası
debat çempionatı təşkil olunacaq. Turnir gənclərin
natiqlik, ritorika, araşdırmaçılıq, kritik düşüncə,
komanda işi və s. keyfiyyətlərinin təkmilləşdirilməsinə
və universitetdə tələbə fəallığının daha da
artırılmasına xidmət edəcək.
Şakir CƏFƏROV,
"Azərbaycan müəllimi" |
