|
Bakıdakı 50 nömrəli tam orta məktəbdə yerləşən Şuşa
rayon 4 nömrəli ümumi orta məktəbində xalq yazıçısı
İlyas Əfəndiyevin anadan olmasının 100 illiyinə həsr
olunmuş ədəbi-bədii gecə keçirilib. Məktəbin direktoru
Gulmira Ağayeva tərəfindən redaksiyamıza daxil olan
məlumatda bildirilir ki, tədbirdə məktəbin
Azərbaycan dili və ədəbiyyat müəllimi Nüşabə Ağayeva
yazıçının yaradıcılığı barədə danışıb. Sonra milli
üslubda bəzədilmiş səhnədə məktəbin şagirdlərinin
birgə hazırladıqları İlyas Əfəndiyevin "Xurşidbanu
Natəvan" pyesindən səhnələr göstərilib.
Sonda valideynlər təşkil olunan tədbirdən razı
qaldıqlarını bildiriblər.
Şakir CƏFƏROV,
"Azərbaycan müəllimi" |
