|
Noyabrın 11-də AMİ-nin Şamaxı filialında "Təbii fəlakət
və texnogen qəzalar zamanı davranış qaydaları"
mövzusunda tədbir keçirildi. Tədbiri giriş sözü ilə
filialın direktoru T.Yusifova açaraq gələn qonaqları və
iştirakçıları salamladı. Fövqəladə Hallar Nazirliyinin
Şimal-qərb Regional Mərkəzinin İctimaiyyətlə əlaqə və
təbliğat sektorunun müdiri Qoşqar Əzizov öz çıxışında
tədbirin məqsədi və mərkəz haqqında məlumat verdi. Sonra
FHN DYNX-nin Yanğına qarşı təbliğat şöbəsinin rəisi,
daxili xidmət polkovniki Hikmət Xudiyev "Payız-qış
mövsümündə yanğın təhlükəsizliyinin təmin olunması üçün
qarşıda duran əsas vəzifələr" mövzusunda çıxış etdi.
Tədbirdə respublika ərazisi, o cümlədən Şamaxı üçün
xarakterik olan təbii fəlakətlər-zəlzələlər haqqında
məlumat verildi. Sonra fövqəladə halların qarşısının
alınmasında təbliğatın rolu və bu təbliğata ali təhsil
ocaqlarının verə biləcəyi töhfələr diqqətə çatdırıldı.
Tələbələri maraqlandıran suallar cavablandırıldı.
Tədbirin praktik hissəsində xilasetmə alət və
avadanlıqlarının izahlı nümayişi, zərərçəkənlərə ilk
tibbi yardım göstərilməsindən və s. istifadə
qaydalarının əyani göstərişindən bəhs edildi. |
