|
 Noyabrın
7-də Azərbaycan Respublikasının Təhsil Problemləri
İnstitutunda məktəbəqədər təhsilin kurikulumu üzrə işçi
qrupunun görüşü keçirildi. İnstitutun direktoru, hüquq
üzrə fəlsəfə doktoru Qulu Novruzov görüş iştirakçılarını
salamlayaraq Azərbaycan Respublikasında məktəbəqədər
təhsil sisteminin əhəmiyyəti və bu sahədə aparılan
islahatların əsas məzmunu barədə məlumat verdi. Görüşə
qatılan işçi qrupunun tərkibində Təhsil Nazirliyi
məktəbəqədər və ümumi təhsil şöbəsinin məktəbəqədər
təhsil sektorunun müdiri Nərminə Alnağıyeva, MTTYM-nin
icraçı direktoru Ülviyyə Mikayılova, özəl və dövlət
məktəbəqədər təhsil müəssisələrində çalışan
tərbiyəçilər, metodistlər, müdirlər, uşaq inkişaf
mərkəzlərinin rəhbərləri, ali məktəb müəllimləri və bu
sahənin alimləri təmsil olunurdu.
Görüşdə TPİ-nin direktor müavini, pedaqoji elmlər üzrə
fəlsəfə doktoru Ənvər Abbasov, şöbə müdiri Laləzər
Cəfərova, Bakı şəhəri 240 nömrəli körpələr evi-uşaq
bağçasının müdiri, pedaqogika üzrə fəlsəfə doktoru
Sədaqət Rəhimova, Xətai rayonu 235 nömrəli xüsusi
təyinatlı körpələr evi-uşaq bağçasının müdiri Səlahət
Musayeva, ADPU-nun dosenti, pedaqogika üzrə fəlsəfə
doktoru Şərafət Baxışova, Bakı şəhəri 69 nömrəli
körpələr evi-uşaq bağçasının tərbiyəçisi Zenfira Ağayeva,
"Buggy Bug" uşaq inkişaf mərkəzinin direktoru Aysu
İbrahimova, "Macik land" özəl uşaq bağçasının
tərbiyəçisi Elnarə İmanova, Sumqayıt ŞTŞ-nin metodisti
Gülyana Xəlilova, "Qismət" uşaq bağçasının müdiri
Svetlana Mustafayeva, "Delfin" uşaq bağçasının müdiri
Səbinə Rəhimova, məktəbəqədər təhsil üzrə ali
kateqoriyalı metodist Kəmalə Muradova və Cəmilə
Əhmədova, həmçinin TPİ-nin müvafiq şöbəsinin əməkdaşları
iştirak edirdilər.
Tədbirdə iştirak edənlər məktəbəqədər təhsil sahəsində
elmi-metodiki təminat və resursların çatışmazlığı, digər
problemlər ətrafında çıxışlar etdilər, rəy və
təkliflərini söylədilər.
Almaz HƏSRƏT,
TPİ-nin Beynəlxalq əməkdaşlıq və informasiya şöbəsinin
müdiri |
