|
Yevlax Rayon Təhsil Şöbəsindən bildirirlər ki,
2014-2015-ci tədris ili üçün 183 adda, 63.837 nüsxə
dərslik alınıb ki, onların 95 adda 60.896 nüsxəsi
Azərbaycan, 88 adda 2941 nüsxəsi isə rus bölməsi üçün
nəzərdə tutulub. Bununla yanaşı, 147 adda 4116 nüsxə
bədii ədəbiyyat və 184 nüsxə lüğətlər alınıb. Həmin
vəsaitlər kontingentə uyğun olaraq məktəblər arasında
paylanıb. Yeni dərs ilində V-VII siniflərdə dərs aparan,
kurikulum təlimlərimdən keçməyən kimya, riyaziyyat,
fizika, coğrafiya, Azərbaycan dili və ədəbiyyat fənləri
üzrə 163 müəllim 60 saatlıq proqram əsasında 10 günlük
təlimlərə cəlb edilib. Rayon üzrə vaxtından əvvəl I
sinfə qəbul üçün 16 sentyabr - 31 dekabr müddətində 6
yaşı tamam olan 235 şagirdin valideyni ərizə ilə
müraciət edib ki, onlardan 160 nəfəri artıq I sinfə
qəbul edilib. |
