|
Sumqayıt Dövlət Universitetində neft və qaz
sənayesi ixtisasları üzrə təhsil alan tələbə və
məzunlar üçün bp şirkətinin təşkilatçılığı ilə "Nəyi
kəşf edəcəksiniz?" karyera forumu keçirilib. Məqsəd
neft-qaz sahəsində yüksək ixtisaslı yerli
mütəxəssislərin yetişdirilməsidir.
Tədbiri SDU-nun humanitar məsələlər üzrə prorektoru,
dosent Nizami Namazov açaraq bildirib ki, bu forum bp
şirkətindəki karyera imkanlarının interaktiv şəkildə
müzakirəsinə və şirkətin nümayəndələri ilə ünsiyyət
qurulmasına imkan yaradır. Qeyd olunub ki, tələbələr bp
şirkətinin nümayəndələri ilə görüşərək mövcud və gələcək
karyera imkanlarını, işəgötürmə proqramlarını və
planlarını müzakirə edə biləcəklər. Onlar həmçinin
şirkətin Azərbaycanda və regionda 20 il ərzində dənizdə
və quruda həyata keçirdiyi əməliyyatlar haqqında məlumat
almaq imkanına malik olacaqlar.
Sonra bp şirkətinin tələbə və məzunların işə qəbulu üzrə
proqram mütəxəssisi Dilarə Mustafayeva yay təcrübəsi
proqramı haqqında tələbə və məzunlara ətraflı məlumat
verib. Tələbə və məzunların işə qəbulu üzrə proqram
koordinatoru Həlimə Mahmudova isə bu proqramlara onlayn
müraciət formasını tələbələrə izah edib.
Sonda tələbələrin sualları cavablandırılıb. |
