|
Qafqaz Universitetində Azərbaycan Respublikasının
Prezidenti yanında Bilik Fondu ilə görüş keçirilib.
Professor-müəllim heyəti və tələbələrin iştirak etdiyi
tədbiri universitetin ictimaiyyətlə əlaqələr üzrə
prorektoru, dosent Natiq Paşa açaraq qonaqları təqdim
edib.
Bilik Fondunun baş məsləhətçisi, sosiologiya elmləri
doktoru, professor Rəfail Həsənov Fondun məqsədləri və
fəaliyyəti haqqında məlumat verib. Qeyd edib ki, fondun
yaradılmasında əsas məqsəd müasir informasiya
cəmiyyətinin və biliklərə əsaslanan iqtisadiyyatın
tələblərini nəzərə alaraq elmi-texniki, sosial-iqtisadi,
humanitar biliklərin artırılması, azərbaycançılıq
məfkurəsi zəminində milli mənəvi, dini dəyərlərin
təbliği, ekoloji təfəkkürün formalaşdırılması,
Azərbaycan dövlətinin daxili və xarici siyasətinin,
mədəni quruculuq proseslərinin mahiyyətinin ictimaiyyətə
çatdırılmasını təmin etməkdən ibarətdir. Eyni zamanda
gənclərdə vətənpərvərlik, azərbaycançılıq məfkurəsinin
aşılanmasına xidmət göstərmək də fondun əsas fəaliyyət
istiqamətlərindəndir. Fond tərəfindən "Qardaşlaşmış
məktəblər", "Dini abidələrdə tarixin izləri",
"Auditoriya", "Ustad və şəyird", "Epizod" və c. kimi
layihələrin reallaşdırıldığını diqqətə çatdıran sosioloq
tələbələrə öz layihələri ilə fonda müraciət etmələrini
təklif edib. Rəfail Həsənov fonda üzvlük prinsipindən də
bəhs edərək, istənilən şəxsə Bilik Fondunun üzvü olma
imkanı verildiyini bildirib.
Tədbirin sonunda tələbələrin və müəllimlərin sualları
cavablandırılıb.
Y.ƏLİYEV,
"Azərbaycan müəllimi" |
