|
 Noyabrın
3-də Azərbaycan Müəllimlər İnstitutunda "Qarabağ-İKT
məktəbi" gənclər arasında Qarabağ mövzusunda informasiya
texnologiyalarından faydalı istifadənin təbliği"
layihəsi çərçivəsində təlim keçirilib. Tədbiri giriş
sözü ilə açan dosent Razim Məmmədov müasir gənclərin
İKT-dən daha çox istifadə etdiyini və bu yolla
Qarabağda, ümumilikdə Azərbaycanda baş verən bütün
faciələrin dünyaya çatdırılmasında rol oynadıqlarını
bildirib.
Tədbirdə Ermənistan-Azərbaycan, Dağlıq Qarabağ
probleminin həlli istiqamətində dövlət başçısı cənab
İlham Əliyevin uğurlu fəaliyyətindən, ölkəmizin
nailiyyətlərindən, Heydər Əliyev Fondunun
vitse-prezidenti Leyla xanım Əliyevanın rəhbərliyi ilə
həyata keçirilən "Xocalıya ədalət" kampaniyasının müsbət
nəticələrindən danışılıb.
Tədbirdə çıxış edən "Üfüq" Gənclərin İnkişafı Naminə
İctimai Birliyinin sədri Nail Şükürov rəhbəri olduğu və
Azərbaycan Respublikası Gənclər və İdman Nazirliyi ilə
birgə həyata keçirilən bu layihənin məqsədləri barədə
iştirakçıları məlumatlandırıb. O qeyd edib ki, əsas
məqsəd İKT vasitəsilə bütün həqiqətləri dünyaya
çatdırmaq, gənclər arasında Qarabağ mövzusunda
informasiya texnologiyalarından faydalı istifadəni
təbliğ etməkdən ibarətdir. Daha sonra
www.virtualkarabakh.az saytı, onun sosial
şəbəkələrdə təbliği, eləcə də xəbərlərin daha effektli
paylaşılması yolları təqdim edilib.
Sonda layihədə iştirakına görə tələbələrə şəhadətnamə,
Qarabağla bağlı foto və videomateriallardan ibarət disk
və təbliğat bukletləri təqdim edilib.
Mətbuat və informasiya şöbəsi |
