|
Noyabrın 3-də Azərbaycan Dövlət Mədəniyyət və İncəsənət
Universitetində yeni dərs ilində təşkil edilən "Ustad
dərsləri" layihəsi çərçivəsində Gürcüstan Dövlət
İlia Universitetinin İncəsənət üzrə Tədqiqat
İnstitutunun direktoru, professor Levan Xetaquri
teatrşünas, rejissor, aktyorluq fakültəsində təhsil alan
tələbələr üçün "Müasir teatr və özünü ifadə üçün yeni
dil" mövzusunda "ustad dərsi" verib. Professor çıxışında
mərhələli şəkildə teatrın yaranması, tarixi, XX əsrdə
teatr, yeni aktyorların hazırlanması, teatrın müxtəlif
cərəyanlarda keçdiyi inkişaf yolu, onun müxtəlif
formaları, müasir rejissorların yetişməsi haqda geniş
söz açaraq, dərsini videosıra ilə slayd şəklində
nümayiş etdirib.
Xatırladaq ki, "Ustad dərsləri" layihəsində ilk məşğələ
sentyabr ayında, İngiltərədə yaşayan həmvətənimiz, caz
ifaçısı Səbinə Hacıyeva tərəfindən keçirilib. Növbəti
"Ustad dərsləri" noyabr ayının 6-7-də ABŞ-ın Beynəlxalq
Teatr İnstitutunun Treninq və Təhsil Komitəsinin
vitse-prezidenti Piter Qoldfard, İspaniyanın Barselona
Teatr İnstitutunun professoru Boris Daussa-Pastor Böyük
Britaniyanın tanınmış teatr rejissoru, yazıçı, bəstəkar
Patrik Kunen tərəfindən keçiriləcək. |
