|
 Bu
sözlər Bakıdakı 263 nömrəli tam orta məktəbdə Dövlət
Bayrağı Günü münasibəti ilə keçirilən tədbirdə ən çox
səslənən sözlər idi.
Tədbiri hazırlayan III "a" sinfinin şagirdləri Təranə
müəllimin fortepianonun dillərindən pərdə-pərdə
havalandırdığı şən, könülaçan musiqiyə Vətən, bayraq
adına yazılan məşhur misralarla "naxışlar" vururdular.
Azərbaycan sevgisi, Vətən öygüsü Fidanın, Leylanın,
Nəzrinin, Zülfünün ifalarında səsləndikcə bütün salonu
alqış sədası bürüyürdü. Qüruru simasından duyulan
Seymurun "Gətirin mənim azadlığımı! Gətirin mənim
müstəqilliyimi!" çağırışından sonra səhnəyə üçrəngli,
ay-ulduzlu bayrağımız gətirildi.
Tədbirin aparıcıları Şəhla İsayeva və Hüseyn Quluzadə
suverenliyimizin rəmzi haqqında ürək sözlərini
tamaşaçılarla bölüşdülər.
Tədbirdə nümayiş olunan slaydlar da tamaşaçılar
tərəfindən maraqla qarşılandı.
Novruz, Fidan, Nigar, Leyla, Səbinə, Adilə, Zülfü, Orxan
Dövlət bayrağının tarixi haqqında bilgilərini nümayiş
etdirdilər.
Sonra səhnədə mavi, qırmızı, yaşıl geyimli üç qızın
gözəllik yarışı başladı. Hərə özünü öydü, özünü
təriflədi. Sonda üçü də birlikdə daha gözəl olduqlarını
dərk etdilər, əl-ələ verib doyunca şənləndilər.
Milli geyimli balaca rəqqasın- Orxanın çıxışı bu
düşüncələri daha da qanadlandırdı.
Məktəbin direktoru Nəsimi Abbasov belə gözəl tədbir
hazırladıqları üçün III "a" sinif şagirdlərini, ibtidai
sinif müəllimi Tamella Zeynalovanı təbrik etdi.
Xətai Rayon İcra Hakimiyyəti başçısının müavini Jalə
Abdıyeva, Xətai Rayon Gənclər və İdman İdarəsinin rəisi
Əfqan Rzayev 9 noyabr - Dövlət Bayrağı Gününə həsr
etdikləri tədbiri yüksək səviyyədə hazırladıqları üçün
üçüncülərə və onların sinif rəhbərinə təşəkkürlərini
bildirdilər.
Tədbir əlamətdar gün münasibətilə məktəbin şagirdləri
arasında referat yazı, inşa və rəsm nominasiyaları üzrə
keçirilən müsabiqədə fərqlənənlərə fəxri fərmanların
təqdim olunması ilə yekunlaşdı - Aynur Abbaslı, Əli
Qənbərov, Nisə Hacıyeva, Sədaqət İsmayılova və Cəlal
İsmiyev ikiqat sevinc yaşadılar.
Yusif ƏLİYEV,
"Azərbaycan müəllimi" |
