|
Bakıdakı İ.Əbilhəsənov adına 42 nömrəli tam orta
məktəbdə 9 noyabr - Bayraq Gününə həsr olunmuş "Bir
kərə yüksələn bayraq, bir daha enməz" başlığı altında
tədbir keçirilib. Tədbiri məktəbin direktoru Firəngiz
Həmidova açaraq 9 noyabr Bayraq Günü münasibətilə
iştirakçıları təbrik edib. F.Həmidova hər il qeyd
olunan bayraq gününün məktəbdə böyük ruh yüksəkliyi ilə
qeyd olunduğunu, Prezident İlham Əliyevin məlum fərmanı
ilə dövlətimizin əsas atributuna olan hörmət və
ehtiramın daha da artdığını qeyd edib.
Tədbirin I hissəsində ibtidai sinif şagirdlərinin
iştirak etdiyi rəsm müsabiqəsi keçirilib. Müsabiqədə
müxtəlif siniflərdən 10 şagird iştirak edib.
Şagirdlərdən Lalə Alməmmədli, Nəsib Vəliyev, Məryəm
Qafarlı ən yaxşı rəsm əsərinə görə fərqləndikləri
üçün müvafiq olaraq I, II, III yerlərə layiq
görülüblər.
II hissədə yuxarı siniflər arasında "Breyn-rinq"
intellektual oyunu keçirilib. Yarışmada məktəbin 8-9-cu
sinif şagirdlərindən ibarət 4 komanda: "Qarabağ",
"Flaqman", "Zəka" və "Qələbə" mübarizə aparıb. Çox
maraqlı keçən yarışmada "Zəka" komandası qalib gəlib.
Qaliblər diplom və qiymətli hədiyyələrlə
mükafatlandırılıblar.
Tədbir 11-ci sinif şagirdi Salman Quliyevin ifasında
"Azərbaycan" mahnısı və istedadlı şagirdlərin söylədiyi
şeirlər, rəqslər, mahnılarla yekunlaşıb.
R.ZİYADOV,
"Azərbaycan müəllimi" |
