|
Azərbaycan Dövlət İqtisad Universitetində (ADİU) "Sənaye
ili" çərçivəsində "Sənaye və tələbə" adlı yeni layihənin
icrasına başlanıb.
ADİU-dan AzərTAc-a bildiriblər ki, bu ali təhsil
ocağının Tələbə Gənclər Təşkilatının həyata keçirdiyi
layihədə 12 fakültəni 5 nəfərdən ibarət komandalar
təmsil edəcək. Komandalar onlara təqdim olunan
Azərbaycanın müxtəlif yönümlü sənaye sahələrini dərindən
araşdıracaq və geniş təqdimat hazırlayacaqlar. Daha
sonra isə araşdırdıqları sahələrdə mövcud olan
problemlərin həlli ilə bağlı layihə təqdim edəcəklər.
Dörd mərhələdən ibarət layihənin sonunda iştirakçılara
sertifikat və mükafatlar təqdim olunacaq. |
