|
 Oktyabrın
24-də Təhsil Problemləri İnstitutunda "Təhsildə müasir
idarəetmənin prinsipləri" mövzusunda məktəb
direktorlarının və bir qrup institut əməkdaşının
iştirakı ilə görüş keçirilmişdir. İnstitutun direktoru,
hüquq üzrə fəlsəfə doktoru Qulu Novruzov müzakirədə
"Azərbaycan Respublikasında təhsilin inkişafı üzrə
Dövlət Strategiyası"ndan irəli gələn vacib məsələlərdən
danışdı. İnstitutun direktoru bildirdi ki, gələcəkdə 12
illik təhsil sisteminə keçidlə əlaqədar hazırkı
kurikulumun məzmununda müəyyən dəyişikliklər də
gözlənilir.
Natiq bildirdi ki, "Azərbaycan Respublikasında təhsilin
inkişafı üzrə Dövlət Strategiyası"nın üçüncü strateji
istiqaməti təhsildə nəticələrə görə cavabdeh, şəffaf və
səmərəli idarəetmə mexanizminin yaradılmasını nəzərdə
tutur. Bunun üçün daha yaradıcı və bütün mexanizmləri
özündə əks edən idarəetmə modelini yaratmaq zamanı
gəlib. Bu modelin yaranması üçün tədris işində özünü
doğrultmuş, təcrübəsi, nəticəsi və göstəriciləri ilə
seçilən yenilikçi məktəb direktorlarının dəstəyi
lazımdır. Bunun üçün də məhz beynəlxalq arenada təmsil
oluna biləcək bir idarəetmə modelini hazırlamaq
müzakirənin əsas prioritet məsələlərindən biri olduğunu
vurğuladı.
Müzakirədə MTTYM rəhbəri Elmina Kazımzadə, mərkəzin
əməkdaşı Ülviyyə Mikayılova, 132-134 nömrəli təhsil
kompleksinin direktoru Sara Xanlarova, 220 nömrəli
məktəb-liseyin direktoru Almaz Əsgərova, Heydər Əliyev
adına liseyin direktoru Fikrət Xəlilov, "Zəngi"
liseyinin direktoru Bayram Heydərov, 83 nömrəli
məktəb-liseyin direktoru Nəbi Mahmudov,
fizika-riyaziyyat və informatika təmayüllü liseyin
direktoru Tarıyel Talıbov, 6 nömrəli tam orta məktəbin
direktoru Gülşən Orucova, 27 nömrəli tam orta məktəbin
direktoru Cəmilə Ramazanova, 46 nömrəli tam orta
məktəbin direktoru Sevinc Budaqova, 189-190 nömrəli tam
orta məktəbin direktoru Ceyran Quliyeva, 263 nömrəli tam
orta məktəbin direktoru Nəsimi Abbasov iştirak
edirdilər.
Mövzu ətrafında maraqlı müzakirələr aparıldı. Məktəb
direktorları bu müzakirənin məhz TPİ-də baş tutması və
vacib məsələyə toxunulduğu üçün institutun rəhbərliyinə
təşəkkürlərini bildirdilər. Bundan sonra idarəetmə ilə
bağlı bu cür toplantının TPİ-də davamlı olaraq
keçirilməsini arzu etdilər, "Təhsildə müasir
idarəetmənin prinsipləri" mövzusuna dair rəy və
təkliflərini söylədilər.
Beynəlxalq əməkdaşlıq və informasiya şöbəsi |
