|
 Oktyabrın
22-də İran İslam Respublikasının Azərbaycandakı səfiri
Möhsün Pakayin, İran İslam Respublikası Prezidentinin
ailə və qadın məsələləri üzrə müavini Şəhindoxt
Mövlaverdi Bakıdakı İlyas Əfəndiyev adına Elitar
Gimnaziyada olublar. Qonaqları təhsil nazirinin müavini
Firudin Qurbanov və gimnaziyanın direktoru Sevda
Quliyeva qarşılayıb. Gimnaziyanın fəaliyyəti barədə
qonaqlara ətraflı məlumat verilib. Bildirilib ki,
gimnaziyada 1164 şagird təhsil alır, onların təlim-
tərbiyəsi ilə 85 müəllim məşğul olur. Ötən tədris
ilində gimnaziyanın 47 məzununun hamısı ali
məktəblərə qəbul olub. Hazırda onlardan 9-u xaricdə
təhsil alır.
İran İslam Respublikasının Ailə, Qadın Məsələləri üzrə
vitse-prezidenti Şəhindoxt Mövlaverdi gimnaziya ilə
tanışlıqdan məmnun olduğunu bildirib. Qonaq İranın
təhsil sistemi haqqında məlumat verib.
İranın nümayəndə heyəti gimnaziyanın foyesində
şagirdlərin əl işlərindən ibarət sərgiyə baxıb və sinif
otaqları ilə yaxından tanış olublar.
Şagirdlər qonaqların qarşısında ədəbi-bədii kompozisiya
nümayiş etdirib, mahnı oxuyublar.
Sonda birlikdə xatirə şəkli çəkdirilib.
Şakir CƏFƏROV,
"Azərbaycan müəllimi" |
