|
Azərbaycan Dövlət Mədəniyyət və İncəsənət
Universitetində Azərbaycan Prezidenti yanında Gənclər
Fondunun, Gənclər və İdman Nazirliyinin dəstəyi ilə
Dünya Azərbaycan Gənclər Beynəlxalq Həmrəyliyi ictimayi
birliyi tələbələr arasında "Azərbaycan tarixini öyrənək"
adlı müsabiqə keçirib. Müsabiqə "Azərbaycan Gəncliyi
2011-2015-ci illərdə" Dövlət Proqramının "Azərbaycan
dili, tarixi, mədəniyyəti və incəsənətinin təbliğinə
xidmət edən intellektual oyunların, müsabiqələrin,
olimpiadaların keçirilməsi" bəndinə uyğun olaraq təşkil
olunub. Müsabiqədə 60-dan artıq tələbə iştirak edib.
Azərbaycan tarixi ilə bağlı daha çox suala düzgün cavab
verən 25 tələbə ikinci mərhələyə keçib. Sonda 4 nəfər
qalib seçilərək müxtəlif hədiyyələr və diplomlarla
mükafatlandırılıb.
Nərmin QARALOVA,
ADMİU-nun mətbuat katibi |
