|
 "Vətəndaş
Cəmiyyətinin İnkişafına Dəstək" Gənclərin İctimai
Birliyi Azərbaycan Respublikasının Prezidenti yanında
Gənclər Fondunun maliyyə dəstəyi ilə Sumqayıt şəhərində
"Sürəti azalt, ömrünü uzat!" veloyürüşü keçirib.
Yüzə yaxın gənc və yeniyetmənin iştirakı ilə keçirilən
yürüşün əsas məqsədi yeniyetmə və gənclərin yol
təhlükəsizliyi qaydalarına riayət olunması ilə bağlı
səylərinin gücləndirilməsini, yol mədəniyyətinin inkişaf
etdirilməsində onların rollarının artırılmasıdır.
Yürüşdə şəhər sakinlərinə gənclər tərəfindən
maarifləndirici materiallar paylanılıb, ictimai iaşə
obyektlərinin qarşısında müxtəlif yaş təbəqəsindən olan
insanlarla profilaktik söhbətlər aparılıb.
Sözügedən layihə çərçivəsində gənclərin yol
təhlükəsizliyi sahəsində təşəbbüs klubları yaradılıb.
Yerlərdəki könüllü qruplar vasitəsilə görüşlər, yol
kənarlarında olan uşaq və yeniyetmələrin iştirakı ilə
maarifləndirici aksiyalar təşkil edilib. |
