|
 Sentyabrın
24-də Sumqayıt Dövlət Universitetində "Əsrin
müqaviləsi"nin 20 illiyinə həsr olunmuş "Əsrin
müqaviləsi" Heydər Əliyevin yeni neft strategiyasıdır"
mövzusunda elmi konfrans keçirildi. Əvvəlcə
universitetin rəhbərliyi və qonaqlar ümummilli liderin
büstü önünə gül dəstələri qoyaraq xatirəsinə dərin
ehtiramlarını bildirdilər.
Konfransı giriş sözü ilə açan rektor Elxan Hüseynov
bildirdi ki, ümummilli lider Heydər Əliyevin rəhbərliyi
ilə işlənib hazırlanmış yeni neft strategiyasının
bünövrə daşını təşkil edən "Əsrin müqaviləsi"nin
imzalanması ilə dövlətçilik tariximizdə böyük uğurlara
imza atıldı.
Qeyd edildi ki, "Əsrin müqaviləsi"ndən keçən 20 il
ərzində Azərbaycan iqtisadiyyatı uğurlu bir inkişaf yolu
keçmişdir. Bu müddət ərzində ölkəmizdə bir sıra sosial-
mədəni proqramlar həyata keçirilmişdir. Neft
strategiyasının nəticəsi olaraq əldə edilən neft
gəlirləri çoxaldıqca bir çox sahələrə, o cümlədən
təhsilə ayrılan vəsait də artmışdır. Gənc nəslin
keyfiyyətli, beynəlxalq standartlara uyğun təhsil
alması, Neft Fondunun hesabına Avropanın bir sıra
universitetlərində təhsil alan Azərbaycan tələbələrinin
təqaüd proqramlarının reallaşması məhz neft
strategiyasının uğurla həyata keçirilməsindən xəbər
verir.
Ulu öndərin siyasi kursunun davamçısı Prezident İlham
Əliyevin inamla gerçəkləşdirdiyi yeni neft
strategiyasının nəticəsi olaraq müstəqil respublikamız
nəinki enerji müstəqilliyini təmin etmiş, eyni zamanda
Avropanın enerji təhlükəsizliyinin başlıca
təminatçılarından birinə çevrilmişdir.
Konfransın plenar hissəsində "Azərkimya" şirkətinin
müşahidə şurasının sədri, millət vəkili Muxtar Babayev,
SDU-nun tarix və coğrafiya fakültəsinin dekanı, tarix
elmləri doktoru, professor Adil Baxşəliyev çıxış edərək
1994-cü ildə imzalanmış "Əsrin müqaviləsi"nin
reallaşmasının ölkə sənayesinin inkişafında böyük rol
oynadığını, hazırda möhtərəm Prezidentimiz İlham
Əliyevin rəhbərliyi altında ölkədə demokratik dövlət
quruculuğunun inamla həyata keçirildiyini, ictimai
həyatın bütün sahələrində gedən yüksəlişi diqqətə
çatdırdılar.
Məlumat üçün bildirək ki, konfransa 102 tezis təqdim
olunub. Tezislər iki bölmədə dinlənilib. Sumqayıt Dövlət
Universitetindən 62, Azərbaycan Dövlət Neft
Akademiyasından 25, Gəncə Dövlət Universitetindən 2,
Naxçıvan Dövlət Universitetindən 2, Azərbaycan Texniki
Universitetindən 1, Azərbaycan Müəllimlər İnstitutundan
1, Azərbaycan Respublikasının Prezidenti yanında Dövlət
İdarəçilik Akademiyasından 2, Azərbaycan Dövlət Aqrar
Universitetindən 2, ARDNŞ-dən 4, Türkiyənin Ağrı
Universitetindən 1 nəfər əməkdaş konfransda iştirak
etdilər.
Konfrans plenar iclasdan sonra bölmələr üzrə öz işini
davam etdirərək sentyabrın 25-də başa çatdı.
Mətbuat xidməti |
