|
Bakı Şəhər Gənclər və İdman Baş İdarəsi tərəfindən
Türkan qəsəbəsində yerləşən futbol meydançasında Xəzər
rayonu üzrə məhəllələrarası mini-futbol turniri
keçirilib. 2003-2004-cü il təvəllüdlü uşaqlar arasında
keçirilən turnirdə 12 komanda tərkibində 120 nəfər
iştirak edib.
Turnirdə Türkan komandası I, Mərdəkan komandası II,
Şüvəlan komandası III yerləri tutublar. Turnirin
bağlanış mərasimində Xəzər rayonu Gənclər və İdman
İdarəsinin rəisi Vüqar Əliyev və digər rəsmi şəxslər
iştirak ediblər. Natiqlər öz çıxışlarında futbolun
inkişafında xüsusilə uşaqlar arasında keçirilən
məhəllələrarası mini-futbol turnirinin böyük rol
oynadığını, ölkə Prezidentinin müvafiq sərəncamı ilə
təsdiq olunmuş "Azərbaycan Respublikasında 2005-2015-ci
illərdə futbolun inkişafına dair Dövlət Proqramı"nın
yüksək səviyyədə icra olunduğunu bildiriblər. Qalib
komandaların üzvləri Bakı şəhər Gənclər və İdman Baş
İdarəsi tərəfindən müvafiq dərəcəli diplomlarla, idman
geyimləri və kubokla təltif olunublar.
Hazırladı: Rəşad RAMAZANOĞLU,
"Azərbaycan müəllimi" |
