|
 Avqustun
23-dən 29-dək İsveçrənin Bern şəhərində Ümumdünya şahmat
bəstəçilərinin 57-ci konqresi, şahmat bəstəçiliyi üzrə
FİDE Dünya kubokunun bağlanış mərasimi keçirilib.
Azərbaycanın şahmat bəstəçisi Kənan Vəlixanov bu ali
mükafatı ilk dəfə olaraq ölkəmizə gətirib. Kənan
Vəlixanov bu ilin fevralında "Sochi-2014" XXII qış
olimpiya oyunlarına həsr edilmiş olimpiya turnirində V
yerin sahibi olub. Bu tədbirdə o olimpiya medalı ilə
təltif olunub.
Konqres çərçivəsində AZERSUN şirkətinin sponsorluğu ilə
K.Vəlixanovun yeni tətbiq etdiyi Qarabağ mövzusu üzrə
beynəlxalq blits-turniri böyük marağa səbəb olub.
Konqres çərçivəsində şahmat məsələlərinin həlli üzrə
38-ci dünya birinciliyi keçirilib. Birincilikdə milli
komandamız uğurla çıxış edərək II yeri tutub.
Hazırladı: Rəşad RAMAZANOĞLU,
"Azərbaycan müəllimi" |
