|
İspaniyanın Valensiya Politexnik Universitetində
ölkələrin təqdimatı keçirilib.
Tədbirdə Azərbaycanın Xəzər Universitetinin
nümayəndələri də iştirak ediblər.
Xəzər Universitetindən AzərTAc-a bildiriblər ki,
təqdimatda "Erasmus Mundus" tələbə mübadiləsi ilə orada
təhsil alan Xəzər Universitetinin 3-cü kurs tələbəsi
Rizvan Saatov (kompüter mühəndisliyi) və bu ali təhsil
ocağının İnternet İnstitutunun direktoru Rəşad Əliyev (PhD,
kompüter elmləri) də iştirak ediblər.
Onlar iştirakçılara Azərbaycanın milli bayramları,
mətbəxi və digər sahələri barədə geniş məlumat veriblər.
Eyni zamanda, Xəzər Universitetinin fəaliyyətindən,
beynəlxalq əlaqələrindən bəhs ediblər. Təqdimatın
sonunda keçirilən müsabiqədə Azərbaycana maraq daha da
artıb, müxtəlif hədiyyələr verilib və milli rəqslərimiz
təqdim olunub. |
