|
 Xəzər
rayonu 78 nömrəli körpələr evi-uşaq bağçası Heydər
Əliyev Fondunun "Təhsilə dəstək" layihəsi çərçivəsində
yenidən qurulub. Təmir və yenidənqurma işlərinə 2011-ci
ilin fevral ayında başlanılıb və 2012-ci il may ayının
9-da bağça istifadəyə verilib.
Bağçanın ümumi ərazisi 3600 m2-dir. İki
mərtəbədən və zirzəmidən ibarət binanın ümumi sahəsi
2400 m2 təşkil edir.
120 yerlik körpələr evi-uşaq bağçasında altı qrup - bir
orta, bir kiçik, iki böyük və iki məktəbə hazırlıq
qrupları vardır. Binada hər bir qrup üçün ayrıca yataq
otağı, oyun otağı, soyunub-geyinmə otağı, mətbəx və
sanitar qovşağı vardır. Binada gimnastika zalı, şahmat,
rəsm, musiqi ilə məşğul olmaq üçün otaqlar yaradılıb.
Bundan əlavə, işçi personalın dincəlməsi üçün də otaq
nəzərdə tutulub.
Binanın zirzəmisində anbar, camaşırxana, mətbəx, arxiv
və digər otaqlar yerləşir. Uşaqların naharla təminatı
mərkəzləşmiş qaydada həll edilib. Bunun üçün binanın
zirzəmisindəki mətbəxdə hazırlanan yeməklər yük lifti
vasitəsilə mərtəbələrə paylanır.
Bağçanın həyətyanı sahəsində abadlıq işləri aparılıb,
uşaq oyun meydançaları yaradılıb, idman qurğuları
quraşdırılıb. Binanı su ilə təchiz etmək üçün 50
kubmetrlik içməli su, 80 kubmetrlik yanğın əleyhinə su
anbarları tikilib, işıqlandırma sistemi tamamilə
yenilənib, təhlükəsizlik kameraları və siqnal sistemləri
quraşdırılıb.
|
