|
İsmayıllı rayon Gənclər və İdman İdarəsinin və İsmayıllı
İntellektual Oyunlar Klubunun birgə təşəbbüsü ilə
Kürdmaşı kəndində məktəblilər arasında "Xəmsə" milli
intellektual oyunu keçirilib. Asudə vaxtın səmərəli
təşkili məqsədi daşıyan bu oyun kənd sakinləri
tərəfindən maraqla qarşılanıb. Komandalara şərti olaraq
Azərbaycanın işğal altında olan rayonlarının adları
verilib. Gərgin və maraqlı keçən yarışmada "Şuşa"
komandası 6900, "Kəlbəcər" 4700, "Laçın" 3600 xal
toplayıb.
Qeyd edək ki, ənənəvi olaraq I, II və III yerləri tutan
komandalara qiymətli hədiyyələr, ən yaxşı oyun nümayiş
etdirən oyunçuya isə Şəki şəhərinə bir günlük ekskursiya
nəzərdə tutulub. Fərqlənənlərə fəxri fərman verilib.
Sifai SƏFƏROVA,
"Azərbaycan müəllimi" |
