|
 SİYƏZƏN.
Rayon təhsil şöbəsindən redaksiyamıza daxil olan
məlumata görə, rayonun Böyükhəmyə kəndində 220 şagird
yerlik tam orta və Siyəzən kəndində 80 şagird yerlik
ümumi orta məktəb binaları dövlət vəsaiti hesabına
tikilir. Binalardakı geniş və səliqəli sinif otaqları,
fənn kabinetləri müəllimlərin daha yaxşı işləmələri
üçün imkan yaradacaq.
AĞSTAFA.
Rayon təhsil şöbəsindən aldığımız məlumatda qeyd edilib
ki, yeni dərs ilində Ağstafada daha iki məktəb binası
istifadəyə veriləcək. Rayonun Eynalı kəndində 300,
Kolxəlfəli kəndində isə 220 şagird yerlik tam orta
məktəblərdə tamamlama işləri başa çatmaq üzrədir.
Tikilən bu binalarda sinif otaqları, laboratoriyalar və
s. tədrisin yüksək səviyyədə aparılması üçün hər cür
şərait olacaq. Müəllim və şagirdlər dərs ilini yeni
binada qarşılayacaqlar.
GƏDƏBƏY.
Rayon təhsil şöbəsindən aldığımız məlumatda qeyd edilib
ki, İsalı kənd tam orta məktəbi üçün inşa edilən yeni
tədris ocağında son tamamlama işləri aparılır. Yeni
məktəb binası 160 şagird yerlikdir. Dövlət vəsaiti
hesabına tikilən bu binada sinif otaqları,
laboratoriyalar, tədrisin yüksək səviyyədə aparılması
üçün lazımi şərait olacaq. Pedaqoji kollektiv dərs ilini
yeni binada qarşılayacaq.
TOVUZ.
Rayon təhsil şöbəsindən verilən məlumatda bildirilir
ki, dövlət vəsaiti hesabına Şamlıq kəndində 220,
Çeşməli kəndində isə 180 şagird yerlik tam orta,
Qalaboyun, Qaradaş və Muncuqlu kəndlərinin hər birində
isə 80 şagird yerlik ümumi orta məktəb binaları inşa
olunur. Burada tədrisin yüksək səviyyədə təşkili üçün
bütün lazımi şərait yaradılacaq. Məktəb binaları yeni
dərs ilində istifadəyə veriləcək.
ASTARA.
Rayon təhsil şöbəsindən bildiriblər ki, təhsil
müəssisələrinin maddi- texniki və tədris bazasının
möhkəmləndirilməsi, yeni məktəb binalarının tikintisi
davam edir. Rayonun Anboba, Şəmətük kəndlərinin hər
birində 80 şagird yerlik ibtidai və Suparibağ kəndində
isə 220 şagird yerlik tam orta məktəb binalarında
gedən işlər artıq yekunlaşmaq üzrədir. Məktəblilər
qarşıdakı dərs ilini yeni binalarda qarşılayacaqlar.
Şakir CƏFƏROV,
"Azərbaycan müəllimi" |
