|
Bu günlərdə Norveçin Tromse şəhərində keçirilən şahmat
üzrə olimpiadada 2 tur arxada qalıb.
Azərbaycan Şahmat Federasiyasından aldığımız məlumata
görə, olimpiadada Azərbaycanın kişi və qadınlardan
ibarət yığma komandaları da daxil olmaqla ümumilikdə 317
komanda iştirak edib. Yarışa böyük iddialarla yollanan
Azərbaycan milliləri görüşlərini qələbə ilə başa
vurublar. Belə ki, Aleksandr Xalifmanın rəhbərlik
etdiyi kişilərdən ibarət komandamız olimpiadaya İPCA
yığması (fiziki cəhətdən əlil olan şahmatçıların
beynəlxalq assosiasiyasının komandası) ilə oyuna start
verib. Zəka sahiblərimiz rəqiblərinə heç bir şans
verməyərək 4:0 hesablı qələbə qazanıblar.
Onlar daha sonra Şotlandiyadan olan həmkarları ilə
mübarizə aparıblar. İlk turda istirahət edən
qrossmeysterimiz Şəhriyar Məmmədyarov rəqibi ilə sülh
bağlayıb. Digər matçlarda təmsilçilərimiz qalib gəliblər.
Qadınlardan ibarət yığmamız isə ilk turda İrlandiya
təmsilçiləri ilə gücünü yoxlayıb. Rəqibə heç bir şans
verməyən komandamız ardınca Salvador yığmasını da eyni
- 4:0 hesabı ilə məğlub edib.
Qeyd edək ki, avqustun 12-də Tromse şəhərində Azərbaycan
günü keçiriləcək. Mərasimdə olimpiadanın bayrağı 2016-cı
ildə yarışa ev sahibliyi edəcək Bakı şəhərinin
rəsmilərinə təqdim olunacaq. Tədbirdə Gənclər və İdman
Nazirliyi, eləcə də Azərbaycan Şahmat Federasiyasının
rəsmiləri iştirak edəcəklər. Olimpiada avqustun 15-də
başa çatacaq. |
