|
 Təhsil
Nazirliyinin "Təhsil" Respublika İdman Mərkəzinin
Sumqayıt filialının yetirməsi Nərgiz Mirzəyeva
Azərbaycanda ilk dəfə keçirilən taekvondo üzrə
Yeniyetmələr arasında I Dünya çempionatının qalibləri
sırasına çıxıb.
37 kq çəki dərəcəsində çıxış edən idmançımız ilk
görüşdə Avstraliya, Ukrayna və Rusiya təmsilçilərinə
qalib gələrək yarımfinal mərhələsinə vəsiqəni təmin edib.
Yalnız finala vəsiqə uğrunda mübarizədə Serbiya
idmançısına məğlub olaraq bürünc medala layiq görülüb.
4 gün davam edən çempionatda 65-ə yaxın ölkədən 600-dək
taekvondoçu mübarizəyə qoşulub. Azərbaycan milli yığma
komandası yarışa 18 idmançı ilə qatılıb.
Ümumilikdə qızlardan ibarət komanda hesabında medalların
sayına görə İran milli komandası birinci, Türkiyə ikinci,
Çin üçüncü yeri, oğlanlardan ibarət komanda hesabında
medalların sayına görə isə İran birinci, Rusiya ikinci,
Cənubi Koreya üçüncü yeri tutub. |
