|
 Tələbə
Qəbulu üzrə Dövlət Komissiyası (TQDK) iyulun 31-də
2014/2015-ci tədris ili üçün ali təhsil müəssisələrinin
bakalavriat səviyyəsinin jurnalistika ixtisasına qəbul
olunmaq istəyən abituriyentlər üçün qabiliyyət imtahanı
keçirib.
Bu mərhələdə 2014-cü ilin aprelin 1-dən 30-dək
jurnalistika ixtisasına qəbul olunmaq üçün internet
vasitəsilə anket dolduraraq qeydiyyatdan keçən və III
ixtisas qrupu üzrə test imtahanı verərək müsabiqə
şərtini ödəyən abituriyentlər iştirak ediblər.
İmtahan Bakıda və TQDK-nın regional mərkəzlərinin
yerləşdiyi şəhərlərdə - Naxçıvan, Gəncə, Lənkəran, Şəki,
Ağcabədi, Göyçay, Şirvan və Xaçmazda təşkil olunub.
Saat 11.00-da başlanan imtahan saat 13.30-da başa çatıb.
Abituriyentlər bakalavriat səviyyəsinə qəbul imtahanının
qabiliyyət imtahanı mərhələsində təqdim olunmuş mövzu
üzrə inşa (esse) yazıblar.
Yazı işi bir sıra meyarlar nəzərə alınmaqla "məqbul" və
ya "qeyri-məqbul" ilə qiymətləndiriləcək.
AzərTAc |
