|
İyulun 5-dən 9-na kimi Mingəçevir şəhəri "Kür" Olimpiya
İdman-Tədris Mərkəzinin idman zalında Yeniyetmələrin IX
Respublika Oyunlarının proqramına daxil olan voleybol
üzrə 1999-2000-ci il təvəllüdlü qızlar arasında
Respublika birinciliyinin final mərhələsi keçirilib.
Finalda Şəki, Qax, Zaqatala, Mingəçevir, Sumqayıtdan
olan komandalar, eyni zamanda Bakıdakı 15, 17 nömrəli
uşaq-gənclər idman məktəbləri və Respublika
İxtisaslaşdırılmış Olimpiya Ehtiyatları Uşaq-Gənclər
İdman Məktəbinin yetirmələri daxil olmaqla 8 komanda
iştirak edib.
Birincilikdə Bakıdakı 15 nömrəli Uşaq-Gənclər İdman
Məktəbi I, Sumqayıt şəhər "Təhsil" İdman Mərkəzi II,
Bakı şəhər Respublika İxtisaslaşdırılmış Olimpiya
Ehtiyatları Uşaq-Gənclər İdman Məktəbi III, Qax IV,
Bakıdakı 17 nömrəli Uşaq-Cənclər İdman Məktəbi V,
Mingəçevir VI, Şəki VII, Zaqatala komandası isə VIII
yeri tutub. Yarışın qalib və mükafatçıları Gənclər və
İdman Nazirliyinin müvafiq diplomları ilə təltif
olunublar. |
