|
İsveçrənin Cenevrə şəhərində Beynəlxalq Şahmat
Federasiyasının (FİDE) xətti ilə yüksək səviyyəli
şahmat seminarı və Blits turniri keçirilib. Dünyanın
ən güclü gənc qadın şahmatçılarının iştirak etdiyi
turnirə ölkəmizdən ilk dəfə olaraq Avropa və dünya
çempionu, FİDE ustası, 1 nömrəli İxtisaslaşdırılmış
Olimpiya Ehtiyatları Uşaq-Gənclər Şahmat-Dama İdman
Məktəbinin yetirməsi Günay Məmmədzadə dəvət alıb.
Şahmat məktəbinin direktoru Natiq Ələkbərovdan
aldığımız məlumata görə, Bakı Şəhər Gənclər və İdman Baş
İdarəsinin dəstəyi ilə ezam olunan Günay Məmmədzadə bu
mötəbər tədbirdə uğurla iştirak edib, 12 ölkəni təmsil
edən idmançılar arasında yaşca ən kiçik olmasına
baxmayaraq turnirdə 4-cü yeri tutub.
Rəşad RAMAZANOĞLU,
"Azərbaycan müəllimi" |
