|
Tələbə Qəbulu üzrə Dövlət Komissiyası (TQDK) iyunun
29-da Bakı, Naxçıvan, Gəncə, Tovuz, Sumqayıt,
Mingəçevir, Şəki, Ağcabədi, Göyçay, Şirvan, Salyan,
Lənkəran, Masallı və Xaçmaz şəhərlərində yaradılmış
imtahan mərkəzlərində təkrar və eksternat qaydasında IX
və XI sinifləri üçün mərkəzləşdirilmiş qaydada buraxılış
imtahanları keçirib.
Həmin imtahanların nəticələri iyun ayının 30-da saat
18:30-dan etibarən TQDK-nın İnternet saytında
yerləşdirilib. İmtahanlarda iştirak etmiş şagirdlər
Komissiyanın İnternet saytı vasitəsilə nəticələri
haqqında məlumatla, habelə cavab kartının qrafik
təsviri ilə tanış ola bilərlər.
Şagirdlər imtahanın nəticələri haqqında məlumatı
həmçinin mobil telefonla şagird kodunu 7727 nömrəsinə
göndərməklə öyrənə bilər.
Buraxılış imtahanında ana dili və riyaziyyat fənlərinin
hər biri üzrə ayrılıqda test tapşırıqlarına verdiyi
düzgün cavablarının sayı 8-dən az olmayan şagirdlər
müvəffəq qiymət alır. |
