|
İyunun 30-da Azərbaycan Mətbuat Şurasında "Zərdabi
Mətbuat Mərkəzi" İctimai Birliyinin Azərbaycan
Respublikasının Prezidenti yanında Qeyri-Hökumət
Təşkilatlarına Dövlət Dəstəyi Şurasının maliyyə yardımı
ilə reallaşdırdığı "Mətbuatda ədəbi dilin qorunmasına
dəstək: problemlərin aradan qaldırılmasında ictimai
müzakirələr başlıca amil kimi" layihəsi çərçivəsində
"Mətbuat və Azərbaycan ədəbi dilinin qorunması" adlı
"dəyirmi masa" keçirilib.Tədbirdə media işçiləri, ali
məktəblərdə çalışan müəllimlər və digər qonaqlar iştirak
ediblər.
Tədbiri giriş sözü ilə Azərbaycan Mətbuat Şurasının
nümayəndəsi Rəhim Hüseynzadə açaraq "dəyirmi
masa"nın aktuallığından söz açıb.
Tədbirdə çıxış edənlər qeyd ediblər ki, Azərbaycan
ədəbi dilinin yeniləşməsinə, formalaşmasına və
strukturuna ciddi nəzarət olunmalıdır. Xüsusən müxtəlif
yerlərdə elanların əcnəbi dildə olması, mətbuat
səhifələrində buraxılan kobud səhvlər bu deyilənlərə
real sübutdur.
Sonda tədbir iştirakçıları deyilən nöqsanların aradan
qaldırılması ilə əlaqədar bu cür "dəyirmi masa"ların
tez-tez keçirilməsinin vacibliyini vurğulayıblar.
Şakir CƏFƏROV,
"Azərbaycan müəllimi" |
