|
Qrossmeyster, 1995-ci il təvəllüdlü Ülvi Bacarani bu il
gənclər arasında keçirilən Azərbaycan çempionatında ölkə
çempionu olub. Azərbaycan Şahmat Federasiyasından
verilən məlumata görə, Ü.Bacarani çempionatın sonuncu
turunda Zaur Məmmədovla görüşdə 7 mümkün xaldan beş xal
toplamış və çempionatın qalibi olaraq qızıl medala
sahib çıxıb.
Nicat Abbasov 4,5 xal, Azər Mirzəyev və Vüqar Rəsulov
isə hərəyə 4 xal toplayıblar. Sumqayıtlı Misrəddin
İsgəndərovun, habelə Zaur Məmmədov və Sərxan Quliyevin
hərəsinin aktivində 3 xal var. Bəhruz Rzayev isə 1,5 xal
qazanıb.
Qeyd edək ki, yarışda iştirak edən 8 idmançıdan 5-i
beynəlxalq dərəcəli qrossmeyster, 3-ü isə beynəlxalq
dərəcəli ustadır.
Ölkə çempionatı dairəvi sistem üzrə keçirilib.
R.ZİYADOV,
"Azərbaycan müəllimi" |
