|
Qəbələ Rayon Gənclər və İdman İdarəsinin və "Qəbələ"
İdman Klubunun birgə təşkilatçılığı ilə yeniyetmələr
arasında 15 İyun - Milli Qurtuluş Gününə həsr olunmuş
cüdo üzrə respublika turniri başa çatmışdır.
Qəbələ Olimpiya İdman Kompleksində keçirilən turnirdə 15
şəhər və rayondan 17 komandanın tərkibində 200-dək
idmançı iştirak etmişdir.
Yarışda 2002-2003 və 2004-2006-cı illər təvəllüdlü
oğlanlar və qızlar mübarizə aparmışlar.
Turnirin bağlanış mərasimində çıxış edənlər bölgədə
idmanın maddi-texniki bazasının möhkəmləndirilməsindən,
Azərbaycan Prezidenti İlham Əliyev tərəfindən
idmançılara qayğı və diqqətdən danışmışlar.
Turnirdə qazanılan medalların sayına görə Bakı, Qəbələ,
Zaqatala komandaları müvafiq olaraq I, II və III yerlərə
layiq görülmüşlər.
Hər çəki dərəcəsi üzrə ilk üç yeri tutmuş idmançılara
diplom və medallar, birinci yerlərin sahiblərinə
kuboklar, komandaların məşqçilərinə isə qiymətli
hədiyyələr təqdim edilmişdir.
AzərTAc
|
