|
Rusiyanın Təhsil və Elm Nazirliyi müəllimlərin
attestasiya qaydalarında dəyişikliklər edib. Bu barədə
Rusiyanın Təhsil və Elm Nazirliyi müvafiq əmr
imzalayıb. Qaydalara əsasən, ümumtəhsil müəssisələrinin
bütün səviyyələr üzrə - uşaq bağçalarından başlayaraq
ali məktəblər də daxil olmaqla müəllimləri yeni qaydalar
üzrə attestasiyadan keçəcək.
Müəllimlər öz ixtisaslarını təsdiq etmək üçün 5 ildə bir
dəfə attestasiyadan keçməlidirlər. Proses təhsil
qurumlarının özləri tərəfindən aparılacaq. Bu qurumların
təşkil etdiyi ekspert komissiyalarının tərkibində həm
digər pedaqoqlar, həm də həmkarlar təşkilatının
nümayəndələri daxildir. Açıq səsvermə yolu ilə
ekspertlər yekun qərar verirlər. Müəllimin
attestasiyadan keçməsi üçün müsbət səslərin yarısı
kifayətdir. Təhsil və Elm Nazirliyinin yeni əmri
adıçəkilən qaydaların şamil olunmadığı pedaqoji
işçilərin kateqoriyasını genişləndirib. Əgər əvvəllər
bu qaydalar hamilə qadınlara və analıq məzuniyyətində
olan müəllimlərə şamil olunmurdusa, indi 2 ildən az
müəllimlik təcrübəsi olan və 4 aydan artıq xəstə olan
işçilərə də aid deyil.
Müəllimin arzusuna uyğun olaraq attestasiyanın keçirilmə
qaydasında - işçinin nə zaman ali ixtisas - aşağı və ya
ali dərəcə alması qaydasında da dəyişiklik olunub. Son
vaxtlara qədər ilk ixtisas dərəcəsinə yalnız yetirmələri
yaxşı nailiyyətlər nümayiş etdirən və uzunillik iş
təcrübəsi olan pedaqoqlar iddia edə bilərdi. Ali
dərəcəni isə digər uğurlarla yanaşı ölkə üzrə fənn
olimpiadaları qaliblərini hazırlayan və təlim
metodikaları işləyib tətbiq edən müəllimlər alırdı.
Yeni qaydalara görə isə adıçəkilən kriteriyalara
nazirliyin il ərzində təhsil müəssisələrində apardığı
yoxlamaların nəticələri də əlavə olunub. Daha bir
yenilik: müəllimlər təkcə 2-3 yaxşı şagird hazırlamaqla
kifayətlənməməli, bütün uşaqlarda istedadı aşkar etməli
və dəstəkləməlidirlər. Bundan əlavə, dərslərində geridə
qalan uşaqlara kömək etməlidirlər. Attestasiya istəyə
uyğun olaraq icbari anologiya üzrə aparılır. Fərq
ondadır ki, komissiyanı təhsil ocağı deyil, Təhsil və
Elm Nazirliyi və ya regiondaki profil departamenti
təşkil edir.
Yeni qaydalara müvafiq olaraq müəllimlərə ixtisas
dərəcələrinin təyin olunması üzrə ekspertizanın
nəticələri İnternetdə- dövlət hakimiyyəti orqanlarının
saytlarında dərc olunacaq. Ali kateqoriya ala bilməyən
müəllimlər bir ildən sonra bir daha özlərini sınaya
bilərlər. Ekspertlər qeyd edirlər ki, attestasiyanın
keçirilməsində məqsəd müəllimləri öz peşəkarlıqlarını
artırmağa stimullaşdırmaqdır. |
