|
İspaniyanın Təhsil Nazirliyi ölkə universitetlərinə
ali təhsil modelini "4+1"-dən "3+2"-ə dəyişməyə icazə
verib. Əvvəllər tələbələr 4 il "qrado", 1 il isə
"master" səviyyəsi üzrə oxumalı idi. Qeyd olunur ki,
milli təhsil sisteminin Avropa təhsil məkanına
inteqrasiyasını nəzərdə tutan Boloniya bəyannaməsinin
imzalanmasından sonra ispan ali məktəbləri və hökumət
bu cür sistemin tətbiq olunmasında israr edir.
Hökumət bildirir ki, İspaniya universitetlərində qəbul
olunmuş "4+1" sistemi Boloniya prosesinə
inteqrasiyaya mane olur. Çünki ispan modeli əksər
Avropa ölkələrinin ali təhsil sistemindən fərqlənir.
Artıq İspaniyanın Təhsil Nazirliyi ölkənin ali təhsil
qurumlarını birləşdirən Universitetlər Şurası ilə
danışıqlar aparır. |
