|
 İyunun
18-də Korrupsiyaya Qarşı Mübarizə Fondunun icraçı
direktoru Vasif Mövsümov ADU-da yay imtahan
sessiyasının gedişi ilə bağlı monitorinq apardı.
Monitorinqdə ADU rektorunun müşaviri Vazeh Əsgərov,
universitetin kurikulum və keyfiyyətə nəzarət
departamentinin müdiri Şəfəq Şahməmmədova iştirak
edirdi.
Regionşünaslıq və beynəlxalq münasibətlər və pedaqoji
fakültələrin II kurslarında keçirilən imtahanların
monitorinqi zamanı çıxış edən ADU rektorunun müşaviri
Vazeh Əsgərov universitetdə keçirilən imtahanlar
barəsində məlumat verdi. İmtahanların obyektiv,
düzgün və şəffaf keçirildiyini deyən V.Əsgərov ali
təhsil ocağının monitorinqinin ictimai təşkilatlar üçün
açıq olduğunu bildirdi. Universitetdə Operativ
Qərargahın, eyni zamanda "Qaynar xətt"in fəaliyyət
göstərdiyi tələbələrin diqqətinə çatdırıldı.
Normativ sənədlərə baxış keçirən Korrupsiyaya Qarşı
Mübarizə Fondunun icraçı direktoru Vasif Mövsümov
fəaliyyət istiqamətləri haqqında tələbələrə məlumat
verdi. İmtahan sualları ilə maraqlanan V.Mövsümov
aparılan monitorinqlərin obyektivliyə xidmət etdiyini
vurğuladı. İcraçı direktor yaranan problemlərlə bağlı
onlara müraciət etməyin zəruriliyini önə çəkdi.
Tələbələr imtahanların yüksək səviyyədə keçdiyini və
lazımi şərait yaradıldığını bildirdilər.
Xatırladaq ki, ADU-da yay imtahan sessiyasına iyunun
2-dən start verilib. Yay imtahan sessiyası 4 fakültənin
(pedaqoji, filologiya və jurnalistika, tərcümə,
regionşünaslıq və beynəlxalq münasibətlər) əyani
şöbəsində aparılır. Qiyabi şöbədə də sessiya müddəti
iyunun 2-dən iyulun 5-dək müəyyən edilib.
Mətbuat xidməti |
