|
İyunun 18-də Azərbaycan Respublikası Təhsil Problemləri
İnstitutunun direktoru Qulu Novruzov Avropa Təhsil
Fondunun beynəlxalq eksperti Rodjer Hesseli qəbul edib.
İnstitutun direkrotu Qulu Novruzov Azərbaycanda peşə
təhsili və onun fəaliyyəti barədə danışıb. İnstitutun
nəzdində olan Peşə ixtisas təhsili şöbəsi və onun
fəaliyyəti barədə geniş məlumatlar verib. Həmin şöbənin
müdiri Rəsul Əsgərov da peşə təhsili ilə əlaqədar
gördükləri işlər və son hazırladıqları kurikulumlar
barədə danışıb.
Görüş zamanı qonaq 2014-cü ildə Avropa Təhsil Fondunun
"Şərqi Avropa ölkələrində fasiləsiz təhsil" layihəsi
çərçivəsində Azərbaycana dəstək olmağa davam
etdirdiklərini bildirib. Bu ildən turizm və istehsalat
(qida sənayesi də daxil olmaqla) sahəsinə xüsusi diqqət
ayırdıqlarını və bu sahədə məhz peşə təhsilinə də önəm
verəcəklərini xüsusi vurğulayıb.
Beynəlxalq ekspert peşə təhsilinin bütün məsələləri ilə
bağlı Bakı şəhərində seminarın keçirəcəyini diqqətə
çatdırıb.
Avropa Təhsil Fondunun beynəlxalq eksperti Rodjer Hessel
görüşdən məmnun qaldığını və gələcək görüşlərdə yaxın
əməkdaşlıq etmək kimi niyyətlərinin tezliklə reallaşması
istəyini söyləyib.
Almaz HƏSRƏT |
